समाचार सारांश
Auto Generated by AI
- कपिलवस्तुको गोरुसिंगेबाट राजस्व छली गरी ल्याएको सामानसहितको ट्रक प्रहरीले नियन्त्रणमा लिएको छ।
- प्रहरीले दाङका छबीलाल घर्ती मगरलाई पक्राउ गरी अनुसन्धान अघि बढाएको छ।
- कुल एक करोड ३० लाख बराबरको सामान र ट्रकलाई कारबाहीका लागि राजस्व अनुसन्धान कार्यालय बुटवल पठाइएको छ।
कपिलवस्तु । कपिलवस्तु जिल्लाको बुद्धभुमी नगरपालिका वडा नम्बर २ गोरुसिंगेमा राजस्व छली गरी ल्याइएको ट्रकसहित सामान प्रहरीले नियन्त्रणमा लिएको छ ।
सोही घटनामा प्रहरीले दाङको घोराही उप-महानगरपालिका वडा नम्बर ३ का छबीलाल घर्ती मगरलाई समेत नियन्त्रणमा लिएको हो ।
पश्चिमबाट पूर्वतर्फ ल्याईएको रु ६० लाख बढीको माल सामानमा राजस्व छली गरेको आरोपमा प्रहरीले ना ६ ख ३९७७ नम्बरको ट्रक समेत नियन्त्रणमा लिएको हो ।
सामानको मुल्य फरक रहेको भन्ने गोप्य सुचनाका आधारमा प्रहरीले कपडा, जुत्ता, जिरा र खुर्सानीसहीत रु ६० लाख ४१ हजार ५ सय ४८ रुपैयाको बराबरको सामान र ट्रकको मुल्य ७० लाख कायम गरी आवश्यक कारबाहीका लागि राजस्व अनुसन्धान कार्यालय बुटवल पठाइएको कपिलवस्तुका प्रहरी नायब उपरीक्ष रिपेन्द्र कुमार सिंहले बताए ।
