बागलुङ : चट्याङ लागेर दिदीभाइको मृत्यु

बागलुङ । चट्याङ लागेर दुईजनाको मृत्यु भएको छ।

ढोरपाटन नगरपालिका–५ पाखापानीका चित्रबहादुर विककी छोरी ९ वर्षीया सुनिता विक र छोरा ६ वर्षीय दिनेश विकको शनिबार राति परेकाे चट्याङ लाेर मृत्यु भएको हो ।

चट्याङ लागेर  चित्रबहादुरकी श्रीमती यमकुमारी विक घाइते भएको जिल्ला प्रहरी कार्यालय बागलुङका सूचना अधिकारी प्रहरी नायब उपरीक्षक मदन केसीले जानकारी दिए। घाइतेलाई उद्धार गरी अस्पताल पठाइएको उनले बताए।

चट्याङले घर नजिकै बाँधेको एक भैँसीसमेत मरेको छ। ​