बुटवल । बुटवल ४ स्थीत कान्ति माध्यमिक विद्यालय रुपन्देहीमा सामुदायिक तथा संस्थागत विद्यालय अन्तर्गत एसईई परीक्षामा ३.९५ जिपिए प्राप्त गरी सामुदायिक तर्फबाट रुपन्देही प्रथम भएको छ ।
यसवर्ष विद्यालयबाट एसईईमा कूल ३६९ विद्यार्थी सहभागी भएकोमा ३.९५ प्राप्त गरि स्लेष्मा गौतम सामुदायिक विद्यालय तर्फबाट रुपन्देही प्रथम भएकी हुन् ।
गौतम सहित परिक्षामा सहभागी बिद्यार्थीबाट ३.६५ देखि ३.९५ जिपिए प्राप्त गर्ने २७ जना ३.२५ देखि ३.६ जिपिए प्राप्त गर्ने ७३ जना २.८५ देखि ३.२ जिपिए प्राप्त गर्ने १३३ जना २.४५ देखि २.८ प्राप्त गर्ने १०५ जना २.०५ देखि २.४ जिपिए प्राप्त गर्ने २९ जना र १.७ देखि २ जिपिए प्राप्त गर्ने २ जना गरी ३६९ विद्यार्थी उत्तिर्ण भएको विद्यालयका प्रधानाध्यापक गोविन्द ज्ञवालीले जानकारी दिए ।
रुपन्देही जिल्लामा यस वर्षको एसईई परीक्षामा कुनै पनि विद्यार्थीले जिपिए ४ प्राप्त गर्ने सकेनन् । विगत देखि नै सामुदायिक विद्यालय तर्फ उत्कृष्ट नतिजा गरिरहेकाे विद्यालयलाई लुम्बिनी प्रदेशमा विज्ञान विषयकाे हबका रुपमा प्रदेश सरकारले शैक्षिक कार्यक्रम सञ्चालन गरिरहेकाे छ ।
