काठमाडौँ । चीनले नयाँ पुस्ताको समुद्री उपग्रह प्रक्षेपण गरेको छ ।
नयाँ पुस्ताको महासागर रङ अनुगमन उपग्रह अन्तरिक्षमा पठाएको हो । जसले समुद्री पानीको सुधार गर्न मद्दत गर्दछ । यो विश्वको पहिलो उच्च परिशुद्धता महासागर रङ अवलोकन उपग्रह हो । यसले पानीको रङ, पानीको तापक्रम, समुद्री बरफ, पदार्थ र पानीको पारिस्थितिका बारेमा अनुसन्धान गर्नेछ ।
चीनको राष्ट्रिय अन्तरिक्ष प्रशासनअन्तर्गत पृथ्वी अवलोकन र डाटा केन्द्रका उपप्रमुख इन्जिनियर मेङ लिङ्जीले उपग्रहले चीनको मुख्य समुद्री मार्गका लागि रिमोट सेन्सिङ सेवाहरू प्रदान गर्ने बताए। साथै माछा पालन स्रोतहरूको उपयोग र समुद्री प्रदूषण अनुगमनलाई बढावा दिने बताइएको छ ।
यो उपग्रह उत्तरपश्चिम चीनको जिउक्वान स्याटेलाइट प्रक्षेपण केन्द्रबाट बिहान ११ः५५ (त्यहाँको समय) बजे लङ मार्च–२सी क्यारियर रकेटद्वारा प्रक्षेपण गरिएको थियो। पछि यो सफलतापूर्वक योजनाबद्ध कक्षमा प्रवेश गरेको थियो ।
