बुटवल । खेलकुदमार्फत पत्रकारहरुबिच आपसी भातृत्व विकास गर्ने उदेश्यका साथ बुटवलमा मिडिया कप फुटसल सम्पन्न भएको छ ।
लुम्बिनी अपडेट्स डट कमको आयोजनामा भएको क्लिक ईन्टरनेशनल मिडिया कप फुटसल प्रतियोगिता २०८० को उपाधि राज्य टेलिभिजनले चुमेको छ । बुधबार भएको फाइनल खेलमा गर्जन पोष्टलाई ५–० गोलको फराकीलो अन्तरले पराजित गर्दै उपाधि राज्यले चुमेको हो ।
उपाधिसंगै राज्यले नगद ३० हजार, कप, मेडल र प्रमाणपत्रबाट पुरस्कृत भएको छ । उपविजेता गर्जन पोष्टले नगद २० हजार रुपैया, कप, मेडल र प्रमाणपत्र प्राप्त गरेको छ ।
प्रतियोगितामा राज्य टेलिसभजनका विकास गौतम उत्कृष्ट गोलकिपर, गर्जनका शिव डुम्रे उत्कृष्ट खेलाडी र राज्य टेलिभिजनकै पाल बहादुर सोमै ८ गोल गर्दै सर्वाधिक गोलकर्ता घोषित भए ।
