अष्ट्रेलियाको मेलबर्न स्थित हाम्रो कम्युनिटीले आयोजना गरेको हिज्जे प्रतियोगिता सम्पन्न भएको छ ।
साथै ९ समूहमा विभाजन गरी २७ नेपाली बालबालिकाहरू सहभागी रहेको हिज्जे प्रतियोगिता तर्फ लिया सापकोटाको टोली प्रथम भएका छन् । विजेता समुहका लिया सापकोटा, सोफी सापकोटा र ओसिका सापकोटालाई ट्रफी सहितले सम्मान गरिएको थियो ।
अष्ट्रेलियामा हुर्कंदै गरेका बालबालिकाहरूलाई नेपाली भाषाको ज्ञान बढाउने लक्ष्यमा साथमा हाम्रो कम्युनिटीले हरेक वर्ष हिज्जे प्रतियोगिता गर्दै आएको हाम्रो कम्युनिटी अष्ट्रेलियाका अध्यक्ष प्रकाश अर्यालले जानकारी दिए । साथै भिक्टोरियामा रहेका नेपाली बाल पाठशालाका बालबालिकाहरू सहभागी हुने गरि अन्तर विद्यालय स्तरीय हिज्जे प्रतियोगिता केही समयपछि सञ्चालन गर्ने तयारी समेत भइरहेको अध्यक्ष अर्यालले जानकारी दिए ।
हिज्जे प्रतियोगितासँगै हाम्रो कम्युनिटीले नाचगान सहित क्रिसमस बार्बिक्युको वेरेबी पार्कमा सम्पन्न गरिएको हाे । हिज्जे प्रतियोगिताको सञ्चालन अनिल गैरेले गरेका थिए ।
