बागलुङ । गुल्मीको मुसीकोट नगरपालिका ९ ददल्का थुम स्थित थानपति खराल कुलदेव मन्दिरको लागि पाँच भाइ मिलेर २३ लाख बढीको आर्थिक सहयोग प्राप्त भएको छ ।
सोही वडाकै ददल्का जन्म स्थान भइ हाल चितवन र काठमाडौं बसोवास गर्दै आएका यस अर्लाङकोट सेवा समाज जापानका संस्थापक एवम् संरक्षक तथा पूर्व एनआरएनए आइ.सी.सी का सदस्य एवम् समाजसेवी एवं सफल व्यवसायी डिलाराम खरेल र उनका भाइहरू बाबुराम खरेल, रामु खरेल, रमेश खरेल, कुलराज खरेल गरि पाँच भाइ मिलेर थानपति खराल कुलदेव मन्दिरको लागि तेइस लाख तेत्तीस हजार तिन सय एकतीस रुपैयाँ आर्थिक सहयोग दिएको कुलदेव मन्दिर समितिका सचिव कालिदास खरेलले जानकारी दिए ।
थानपति खराल कुलदेव मन्दिर संरक्षण एवम् सम्वर्द्धन लागि गत पौष ३ गते देखि १० गतेसम्म चलेको वत्स गोत्रीय खरालहरुको कुल मन्दिर उद्घाटन तथा मूर्तिप्राण प्रतिष्ठापन एवम् कुल पितृ मोक्षार्थ श्रीमद्भागवत सप्ताह ज्ञान महायज्ञको अवसरमा उक्त रकम सहयोग गरेका थिए ।
त्यस्तै सप्ताह ज्ञान महाज्ञयको अवसरमा दानकारी र मनकारी खरेल परिवारलाई सम्मान गर्दै स्वामी केशवाचार्य सूर्यपाकी ज्यूले धन्यवाद दिए ।
