रुपन्देही/ लुम्बिनी।
लुम्बिनी विकास कोषका उपाध्यक्ष डा.ल्हारक्याल लामा र नेपालका लागि चिनियाँ राजदूत चेन सोङ्गका बिचमा लुम्बिनी क्षेत्रको विकासका विषयमा व्यापक छलफल भएको छ ।
चिनियाँ तीर्थयात्रीलाई लुम्बिनीमा आउने वातावरण बनाउने, लुम्बिनीको विकास र संरक्षणका लागि दुई देशले गर्नुपर्ने सहकार्यका विषयमा गम्भीर छलफल भएको डा. लामाले बताए । यसैबीच चिनियाँ नयाँ वर्षको अवसर पारी विहीबार नै चिनियाँ विहारमा प्रसाद वितरण कार्यक्रम गरिएको छ । कार्यक्रममा बोल्दै उपाध्यक्ष डा। लामाले हजारौं चिनियाँ तिर्थयात्रीलाई लुम्बिनीमा स्वागत गर्न आतुर रहेको बताए ।
राजदूत सोङ्गले गुरुयोजनाका सन्दर्भमा चासो राखेपछि लामाले पूर्णता दिने तयारीमा जुटेको बताएका थिए । लुम्बिनीको गुरूयोजना पूरा हुनासाथ कपिलवस्तु र रामग्राम क्षेत्रको विकासका लागि गुरूयोजना बनाउने योजनामा रहेको समेत उपाध्यक्ष डा. लामाले बताए । उनले राजदूत सोङ्ग, लुम्बिनी विकास कोषका उपाध्यक्षको उपस्थितिमा चिनियाँ भिक्षुभिक्षुणी र लुम्बिनीका स्थानीयको सहभागितामा प्रसाद बाँड्न पाउनु आफ्नो लागि अविस्मरणीय बनेको बताए ।
उपाध्यक्ष सुङ चिनियाँ नयाँ वर्षको सन्दर्भ पारेर भिक्षुभिक्षुणी र तीर्थयात्रीहरुको टोली लिएर लुम्बिनी आएका हुन् ।
