माओवादी केन्द्रको स्थायी कमिटी बैठक आज

काठमाडौं । नेकपा माओवादी केन्द्रको स्थायी कमिटी बैठक आज बस्दैछ। बैठक आज बिहान ११ बजे पार्टी कार्यालय कोटश्वर पेरिसडाँडामा बस्न लागेको हो।

बैठकमा पदाधिकारीको जिम्मेवारी हेरफेर र प्रदेश इन्चार्ज तोक्ने, परिमार्जित विधान अनुमोदन गर्ने, चैत-वैशाखमा हुने अभियानको कार्यक्रम र कमाण्डर तोक्ने लगायतका विषयमा छलफल हुनेछ ।

समसामयिक राजनीति र गठबन्धनको समीक्षा हुने बताइएको छ।