रुपन्देही ।
विश्व ज्योतिष महासंघ, लुम्बिनी प्रदेशको आयोजनामा रुपन्देही जिल्लाको नयाँगाउँमा यहि पौष १२ र १३ गते बृहत गोष्ठी हुने भएको छ । उक्त गोष्ठी त्रिपिण्ड्री श्राद्ध, वास्तु एवं ज्योतिषसँग सम्बन्धित रहने आयोजकले जनाएको छ ।
धर्मशास्त्र, वास्तु तथा ज्योतिषसग सम्बन्धित विभिन्न विषयमा देखापरेका विषयवस्तुहरुमा त्यसैसग सम्बन्धित विज्ञहरुद्वारा कार्यपत्र प्रस्तुत हुने बताइएको छ । त्रिपिण्डी श्राद्धको औचित्य र विधिको बारेमा प्रा.डा. देवमणि भट्टराई, व्रतबन्ध मुहूर्तका विषयमा प्रा.डा. विश्वनाथ त्रिपाठी,
जन्म कुण्डलीमा पितृदोष समस्या र समाधानका विषयमा सहप्रा. ज्यो. दीनानाथ पण्डित एवं वास्तुविद् ई. लक्ष्मीप्रसाद सोतीद्वारा वास्तु सम्बन्धि कार्यपत्र प्रस्तुत हुने तयारी रहेको विश्व ज्योतिष महासङ्घ ,लुम्बिनी प्रदेशका अध्यक्ष ज्यो. जनार्दन न्यौपानेले बताएका छन् ।
कार्यक्रमको उद्घाटन एवं आशीर्वचन सन्त शिरोमणि लोकानन्द महाराजबाट हुनेछ भने दुई दिनसम्म सन्चालन हुने उक्त कार्यक्रम रुपन्देहीको स्वामीनारायण मुक्तिनाथ धाम नयाँगाउँमा रहने आयोजकले बताएको छ ।
