अर्घाखाँची । अर्घाखाँचीको मालारानी गाउँपालिका-४ खनदहमा आज बिहान जीप दुर्घटना हुँदा दुई जनाको मृत्यु भएको छ।
खनदहतर्फ जाँदै गरेको लु २ च २९९० नम्बरको सवारी जीप अनियन्त्रित भई बाटोदेखि झन्डै २ सय ५० मिटर तल खस्दा गाडीमा सबार ४ जना मध्ये दुईजनाको मृत्यु भएको हो। उपचारको क्रममा उनीहरुको मृत्यु भएको हो ।
मृत्यु हुनेमा चालक मालारानी-४ का २२ वर्षीय दिलिप खनाल र मालारानी-४ कै २१ वर्षीय बालकृष्ण रिजाल रहेको जिल्ला अस्पताल अर्घाखाँचीले जनाएको छ।
अन्य दुईजना घाइतेलाई उपचारका लागि बुटवल रिफर गरिएको जिल्ला प्रहरी निरीक्षक जगन्नाथ मरासिनीले बताए ।
