अर्घाखाँची । अर्घाखाँची जिल्लामा आ.व २०७८/७९ मा १८ कराेड भन्दा बढि रकम बेरूजु देखिएकाे छ ।
महालेखापरिक्षक कार्यालयकाे ६० औँ वार्षिक प्रतिवेदन अनुसार अर्घाखाँचीमा १८ कराेड ४ लाख ८३ हजार रूपैयाँ बेरूजु देखिएकाे हाे । ३ नगरपालिका र ३ गाउँपालिका गरी ६ स्थानीय तह रहेकाे अर्घाखाँचीमा जम्मा नाै अर्ब ५३ कराेड ३७ लाख २८ हजार रूपैयाँकाे लेखा परिक्षण गर्दा १८ कराेड ४ लाख ८३ हजार रकम बेरूजु देखिएकाे हाे ।
जिल्लामा सबैभन्दा बढि बेरूजु पाणिनी गाउँपालिकामा रहेकाे देखीएकाे छ भने सबैभन्दा कम सन्धिखर्क नगरपालिकमा देखिएकाे छ । प्रतिशतका अाधारमा पाणिनी गाउँपालिकामा ४.८४ प्रतिशत बेरूजु देखीएकाे छ भने सन्धिखर्कमा ०.५१ प्रतिशत देखीएकाे महालेखापरिक्षककाे प्रतिवेदनमा उल्लेख छ ।
पाणिनी गाउँपालिका
पाणिनी गाउँपालिकामा १ अर्ब १९ कराेड ८१ लाख ७२ हजारकाे लेखा परिक्षण गर्दा ५ कराेड ७९ लाख ६३ हजार रूपैयाँ बेरूजु देखीएकाे हाे ।
छत्रदेव गाउँपालिका
छत्रदेव गाउँपालिकामा १ अर्ब ३४ कराेड ८१ लाख २८ हजारकाे लेखा परिक्षण गर्दा १ कराेड १५ लाख ६९ हजार रूपैयाँ बेरूजु देखीएकाे हाे ।
मालारानी गाउँपालिका
मालारानी गाउँपालिकामा १ अर्ब ५३ कराेड ७० लाख ४२ हजारकाे लेखा परिक्षण गर्दा २ कराेड ६० लाख ८१ हजार रूपैयाँ बेरूजु देखीएकाे हाे ।
सन्धिखर्क नगरपालिका
सन्धिखर्क नगरपालिकामा २ अर्ब १० कराेड ६४ लाख ४३ हजारकाे लेखा परिक्षण गर्दा १ कराेड ६ लाख ८९ हजार रूपैयाँ बेरूजु देखीएकाे हाे ।
भुमिकास्थान नगरपालिका
भुमिकास्थान नगरपालिकामा १ अर्ब ६९ कराेड ५२ लाख ४५ हजारकाे लेखा परिक्षण गर्दा २ कराेड ५२ लाख ८६ हजार रूपैयाँ बेरूजु देखीएकाे हाे ।
शितगंगा नगरपालिका
शितगंगम नगरपालिकामा १ अर्ब ६४ कराेड ८६ लाख ९८ हजारकाे लेखा परिक्षण गर्दा ४ कराेड ८८ लाख ९५हजार रूपैयाँ बेरूजु देखीएकाे हाे ।
प्रचलित कानुनबमोजिम पुर्याउनु पर्ने रीत नपुर्याइए कारोबार गरेको वा राख्नुपर्ने लेखा नराखेको वा अनियमित वा बेमनासिब तरिकाले आर्थिक कारोबार गरेको तथ्य तथा तथ्यांकलाई बेरुजुका रुपमा परिभाषित गरिएको छ ।
बजेट र योजना कार्यान्वयन, राजस्व प्रशासन, सार्वजनिक सम्पत्ति व्यवस्थापन, संस्थान सञ्चालन तथा व्यवस्थापन, लेखाङ्कन प्रतिवेदन तथा आन्तरिक नियन्त्रण, लेखापरीक्षण तथा नियमन, वित्तीय संघीयता कार्यान्वयन र सार्वजनिक सेवा प्रवाहमा जिम्मेबार व्यक्ति तथा संस्थाले जवाफदेहीता बोध नगर्ने र उक्त अनुशासनमा नरही लापरवाही तरिकाले कार्य सम्पादन तथा रकम परिचालन गर्दा बेरुजु बढ्ने महालेखा परीक्षक टंकमणी शर्माको भनाइ छ ।
