बुटवल । मदन भन्डारी स्पोर्ट्स एकेडेमी बुटवल उपमहानगरपालिका पदाधिकारीहरुको दोस्रो पुर्ण बैठक सम्पन्न भएको छ ।
बैठक विभिन्न निर्णय गर्दै सम्पन्न भएको हो । बैठकमा प्रेस संयोजक तथा कानुनी सल्लाहकार नियुक्तीको बिषयमा छलफल भएको एकेडेमीका सचिव दिव्याज्योति भुसालले जानकारी दिइन् । उनले भनिन् ” बैठकले आउदो जेष्ठ पहिलो साताबाट बुटवलमा अन्तर माध्यमिक बिद्यालय स्तरी खेलकुद प्रतियोगित आयोजना गर्ने समेत निर्णय भएको छ ।”
खेलकुद बिना शिक्षा अधुरो रहेको भन्दै एकेडेमीका अध्यक्ष गौरब आचार्यले जेष्ठको पहिलो साताबाट विभिन्न बिधामा अन्तर माबी स्तरमा खेल प्रतियोगिता गराउन लागिएको बताए । प्रतियोगीताको मिति र बिधा पछि सार्वजनिक गरिने अध्यक्ष आचार्यको भनाइ छ ।
बुटवल स्थित होटल एभरेस्ट इनमा सम्पन्न कार्यक्रममा अध्यक्ष गौरब आचार्यको अध्यक्षता रहेको थियो ।
