घनश्याम भट्टराई,
अर्घाखाँची । अर्घाखाँचीको पाणिनी गाउँपालिका वडा नम्बर ३ र ५ जोड्ने २ वटा झोलुंगे पुल निर्माण हुने भएको छ ।
पाणिनी गाउपालिका वडा नम्बर ३ को सम्माचौर र ५ नम्बरको घासखोला जोड्ने ३०० मिटरको पुल र चौरी घुम्टी देखि बेलटारी दुर्गाफाट जोड्ने ३६५ मिटरको पुल निर्माणको हुन लागेको हो ।
त्यसका लागि मंगलबार प्राबिधिक टोलीहरुले सर्वे गरेका छन् । इन्जिनियर सुनिल बोगटी र बिध्याराज थापा सहितको टोलीले सर्वे गरेको हो ।
ईञ्जिनियर बोगटीका अनुसार सो क्षेत्रमा २ वटा पुल निर्माण हुने छ । पुल निर्माणका र त्यसका लागि करिब ९ करोड लाग्न सक्ने उनको भनाइ छ ।
सर्वे सम्पन्न भए लगत्तै केही समयमा डिपिआर तयार हुने समेत उनको भनाइ छ । पुल स्थानीय पुर्वाधार बिकास मन्त्रालय्को बजेटमा बन्ने छन् ।
