लुम्बिनी । लुम्बिनी प्रदेशका मुख्यमन्त्री डिल्ली बहादुर चौधरीले मन्त्रीमण्डल विस्तार गरेका छन् ।
सोमबार चौधरीले नेपाली काँग्रेसका राजु खनाल, जनता समाजवादी पार्टीका भण्डारीलाल अहिर र जनमत पार्टीका चन्द्रकेश गुप्ता (सिके) लाई मन्त्री नियुक्त गरेका हुन । खनाल स्वास्थ्यमन्त्री, अहिर कृषि तथा भूमि व्यवस्था मन्त्रालय र गुप्ता सामाजिक विकास मन्त्रीमा नियुक्त भएका हुन । नवनियुक्त मन्त्रीले सोमबार प्रदेश प्रमुख अमिक शेरचनले सपथ गराएका छन् ।
यसअघि विनाविभायि मन्त्रीका रुपमा रहेका लोकतान्त्रिक समाजवादी पार्टीका सन्तोष कुमार पाण्डेयले आन्तरीक मामिला, कानुन तथा सहकारी मन्त्रालय र नागरिक उन्मुक्ति पार्टीका धर्मबहादुर चौधरीले भौतिक पूर्वाधार विकास मन्त्रालयको जिम्मेवारी पाएका छन् । सरकार विस्तारमै अलमलमा परेका चौधरीले जेठ १ गते सत्ता साझेदारको मुख्य दल नेकपा माओवादी केन्द्रका धनबहादुर मास्कीलाई आर्थिक मामिला मन्त्रालयको जिम्मेवारी दिइएको थियो ।
मुख्यमन्त्री चौधरीले मन्त्रिमण्डल विस्तार गरेपनि पूर्णता दिन सकेनन । मुख्यमन्त्रीले खानेपानी, ग्रामिण तथा सहरी विकास मन्त्रालय, वन तथा वातावरण मन्त्रालय र उद्योग पर्यटन तथा यातायात व्यवस्था मन्त्रालय गरि ३ वटा मन्त्रालय आफैसँग राखेका छन् ।
