अर्घाखाँची । नेपाली कांग्रेस सन्धिखर्क नगरपालिका वडा नम्वर २ को प्रथम वडा सम्मेलन सम्पन्न भएको छ ।
नेपाली कांग्रेसको ६१ वडामा एकैपटक वडा सम्मेलन गर्ने निर्णय अनुसार आज सन्धिखर्क वडा नम्बर २ को सम्मेलन सम्पन्न भएको हो । सबै अट्ने कांग्रेस सबैलाई जोड्ने कांग्रेसको मुल नारा सहित जिल्ला व्यापी रुपमा अभियान रहेको पार्टिले आज जिल्लाभर एकसाथ वार्ड सम्मेलनको आयोजना गरेको हो ।
कार्यक्रममा बोल्दै प्रमुख अतिथिले कमल प्रसाद भुसालले पार्टी शुद्धिकरण हुन जरुरी रहेको र जनता संग नेपाली कांग्रेस प्रत्यक्ष जोडिएको बताएका हुन भने महाधिवेशन प्रतिनिधि नन्दराम भट्टराई, सन्धिखर्क नगरपालिकाकी उपसभापति शान्ता पन्थी, पुर्व वडा पार्टी सभापति बिष्णु भुसाल, क्षेत्रीय प्रतिनिधि निरेन्द्र रायमाझी लगाएतले आफ्नो मन्तव्य राखेका थिए ।
उक्त कार्यक्रममा जेष्ठ नागरिक, महिला संघ, भात्री संघसंस्थाका प्रतिनिधि लगाएत अन्य कृयाशिल सदस्यहरुको बाक्लो उपस्थिति रहेको थियो । कांग्रेस अर्घाखाँचीले ६१ वडामा एकैपटक वडा सम्मेलन सम्पन्न गरेकाे छ ।
कार्यक्रम सन्धिखर्क वडा नं २ का पार्टि सभापती बिनय नेपालीको अध्यक्षता, क्षेत्रीय प्रतिनिधि हलिम खाँनको स्वागत मन्तव्य र नेता अशोक पौडेलको संचालनमा सम्पन भएको थियो ।
