काठमाडौं।
स्थायी शिक्षक पदपूर्तिको लागि शिक्षक सेवा आयोगले माध्यमिक तह, तृतीय श्रेणी, शिक्षक पदको प्रतियोगितात्मक परीक्षाको विज्ञापन आजदेखि खुला गरेको छ । आयोगले विद्यालयको माध्यमिक तह, तृतीय श्रेणी, शिक्षक पदमा खुला तथा समावेशी प्रतियोगितात्मक परीक्षाबाट स्थायी पदपूर्तिका लागि विज्ञापन गरेको हो।
शिक्षकका लागि आवश्यक न्यूनतम योग्यता पुगेका इच्छुक उम्मेदवारबाट आवेदन माग गरिएको छ। उक्त आवेदन पुस २५ गतेदेखि अनलाइन प्रणालीबाट दरखास्त पेस गर्न सकिने आयोगले जनाएको छ।
उम्मेदवारहरूले आयोगको अनलाइन दरखास्त प्रणाली https://online.tsc.gov.np/ मार्फत सम्पूर्ण विवरणहरू भरी दरखास्त दिनुपर्नेछ ।
विज्ञापनको विस्तृत विवरण आयोगको वेबसाइट https://tsc.gov.np डाउनलोड / सूचना/विज्ञापन बाट प्राप्त गर्न र हेर्न सकिने आयोगले स्पष्ट पारेको छ ।
