प्रकाश नेपाल,
पाल्पा । अविरल बर्षाको कारण पाल्पामा संचालित राजमार्गहरु अवरुद्ध भएका छन् ।
सिद्धार्थ राजमार्गको तानसेन वुटवल सडकको खण्डको सिद्धवाव क्षेत्रको ड्याम साइट, दोभान, झुम्सा पानीमिल र हिउदेखोला क्षेत्रमा पहिरो तथा लेदो खसेर सडक अवरुद्ध भएको छ । लगातार परेको बर्षाको कारण पहिरो पन्छाउन कठिनाई भएको जिल्ला प्रहरी कार्यालय पाल्पाले जनाएको छ ।
तानसेन पोखरा सडक खण्डको चिदीपानी धैरेनीमा माथिबाट खसेको लेदो पहिरोको कारण सडक अवरुद्ध भएको छ ।
तानसेन तम्घास सडक अन्तरगत ढुङ्गाखानी तिनलाकुरी क्षेत्रमा ढुङ्गा खसी सडक अवरुद्ध भएको छ भने जोर्ते खण्डमा खोलाको बहाव बढेर सडकमा आउदा साना सवारी साधनहरुको अवात जावत रोकिएको छ । कालीगण्डकी करिडोरको क्षेत्रको राम्दी रामपुर खण्डको हुगी क्षेत्रमा पहिरो खसी सडक अवरुद्ध भएको छ ।
