प्यूठान । प्युठानमा जबरजस्ती करणीको अभियोगमा एक जना पक्राउ परेका छन् ।
३४ वर्षीया महिलालाई जबरजस्ती करणी गरेको अभियोगमा माण्डवी गाउँपालिका–४ धनचौर बस्ने २६ वर्षीय संगित केसी भन्ने अर्जुन दमाईलाई बिहीबार दिउँसो पक्राउ गरेको जिल्ला प्रहरी कार्यालय प्युठानले जनाएको छ ।
दमाईले ती महिलालाई बिवाह गर्छु भन्दै प्रलोभनमा पारी सोमबार राति जबरजस्ती करणी गरी नगद तथा जिन्सी सामान समेत ठगी गरी फरार भएको भन्ने उजुरीको आधारमा जिल्ला प्रहरी कार्यालय प्यूठानबाट खटिएको प्रहरी टोलीले दमाईलाई पक्राउ गरेको हो ।
घटनाबारे थप अनुसन्धान भईरहेको प्रहरीको भनाई छ ।
