काठमाडौं । संसारकै प्रतिष्ठितमध्येको सुन्दरी प्रतियोगिता मिस अर्थ फिलिपिन्सको राजधानी मनिलामा आयोजना भइरहेको छ ।
कोरोना महामारीले भौतिक रुपमा हुन नसकेको प्रतियोगितामा भाग लिन दुई दर्जन सुन्दरी मनिलामा भेला भएका छन् । नोभेम्बर २९ मा हुने फिनालेका लागि सुन्दरीहरु यतिबेला सब-टाइटलका लागि प्रतिस्पर्धा गरिरहेका छन् ।
मंगलबार बेलुका सबै प्रतियोगीलाई फिलिपिनो मिडियाको सामुन्ने प्रस्तुत गरियो, जहाँ उनीहरुको परिचयदेखि प्रतिभालाई चिनारी दिलाइयो । स्थानीय मिडियासामु नेपालको प्रस्तुति आकर्षक रहेको द हिडन ट्रेजरले जनाएको छ ।
यस्तै, मिस इन्टरनेसनल र मिस वल्र्डको तयारीमा पनि सुन्दरीहरु जुटेका छन् । मिस इन्टरनेसनलमा भाग लिन न्यान्सी खड्का नोभेम्बर अन्त्यतिर टोकियो प्रस्थान गर्दैछिन् । मिस नेपाल प्रियंकारानी जोशी मिस वर्ल्डको तयारीमा जुटेकी छिन् । यस वर्षको मिस वल्र्ड प्रतियोगिता एसियामै हुने सम्भावना छ ।
