बुटवल । लुम्बिनी प्रदेशको स्वास्थ्य विधेयक प्रदेश प्रमुख अमिक शेरचनले प्रमाणिकरण गरेका छन् ।
स्वास्थ्य संस्था स्थापना, सञ्चालन, नवीकरण तथा स्तरोन्नति ऐन, २०७६ लाई संशोधन गर्न बनेको विधेयक २०८० लाई प्रदेश प्रमुख शेरचनले साेमबार प्रमाणिकरण गरेका हुन् ।
प्रदेश प्रमुखका कार्यालयका प्रवक्ता धर्मा अर्याल बेल्वासेले एक सूचना जारी गर्दै लुम्बिनी प्रदेश सभा बैठकबाट पारित उक्त विधेयक नेपालको संविधानको धारा २०१ को उपधारा (२) बमोजिम प्रमाणीकरण गरेको जानकारी दिइन ।
उक्त विधेयक श्रावण १२ गते प्रदेश सभाबाट पारीत भई लुम्बिनी सरकारले सोमबार प्रमाणिकरणको लागि प्रदेश प्रमुख समक्ष पेश गरेको थियो ।
