आज बिहान सत्ता गठबन्धनको बैठक बस्ने, राष्ट्रियसभा अध्यक्षको निर्वाचनका विषयमा छलफल हुने

काठमाडौं । नेपाली कांग्रेस र नेकपा माओवादी केन्द्रबीचको खटपटसँगै सोमबार आज बिहान सत्ता गठबन्धनको बैठक बस्ने भएको छ।

बिहान ८ बजे बालुवाटारमा बैठक बस्न लागेको हो। बैठकमा राष्ट्रियसभा अध्यक्षको निर्वाचन लगायतका विषयमा छलफल हुने स्रोतले जनाएको छ।

राष्ट्रियसभा अध्यक्षको निर्वाचनअघि सत्ता समीकरण परिवर्तन हुने चर्चाका बिच राजनीतिक गतिविधि बढेको छ । नेकपा एमाले,नेपाली कांग्रेस र नेकपा माओवादी केन्द्र आन्तरिक छलफलमा व्यस्त छन्।