भिम विश्वकर्मा,
अर्घाखाँची । मंसिर ४ गते हुने प्रतिनिधि सभा र प्रदेश सभाको चुनाव नजिकिँदै गर्दा दलहरुले धमाधम उम्मेदवार सिफारिस गर्न थालेका छन् ।
पार्टीका स्थानीय कमिटी र जिल्लाले उम्मेदवारहरुको नाम प्रदेश हुँदै केन्द्रमा पठाउन थालेका छन् । कतिपय ठाउँमा एकल नाम सिफारिस भएको छ भने धेरै ठाउँमा दुईभन्दा बढी नाम सिफारिस भएका छन् ।
कतिपय शीर्ष नेताहरु चाहिँ एकभन्दा बढी क्षेत्रबाट सिफारिसमा परेका छन् । सिट बाँडफाँटमा सहमति हुन बाँकी रहँदा गठबन्धनका दलहरुभित्रबाट पनि उम्मेदवार सिफारिस भइरहेको छ । स्थानीय कमिटीले उम्मेदवार बन्न खोज्नेहरुको नाम समेटेर प्रदेश र केन्द्रमा पठाएपछि केन्द्रले निर्णय गर्नेछ ।
यस्तै अर्घाखाँचीबाट पनि दलहरुले उम्मेद्वार सिफरीस गरीरहेका छन् । नेकपा एमालेले प्रदेशसभामा उम्मेद्वारहरु टुङ्गो लगाईसकेको छ । प्रदेशसभा ‘क’ बाट चेतनारायण आचार्य तथा प्रदेशसभा ‘ख’ बाट रामजी प्रसाद घिमिरे सर्वसम्मत उम्मेद्वार सिफारिश भएका छन् । प्रतिनिधीसभामा टोप बहादुर रायमाझि उम्मेद्वार बन्ने सम्भावना छ ।
नेपालि कांग्रेसले क्षेत्रिय कार्यसमितिले सिफरिश गरेका नामहरुमा छलफल गरि उम्मेद्वारहरुको अन्तिम टुङ्गो लगाउने तयारी गरेको छ । प्रतिनिभिसभामा कांग्रेसबाट उपसभामुख पुष्पा भुसाल उम्मेद्वार बन्ने सम्भावना छ ।
यता नेकपा एकिकृत समाजवादिले पनि उम्मेद्वार सिफरीस गरीसकेको छ । प्रदेशसभा ‘क’ बाट एकिकृत समाजवादिका जिल्ला अध्यक्ष समेत रहेका राम बहादुर चौहान सर्वसम्मत सिफारीस भएका छन भने ‘ख’ बाट पिताम्बर सारु र सुसिल भट्टराई सिफारीस भएका छन् । प्रतिनिधि सभातर्फ मोहन गौतम सिफारीस भएकाछन् । भने माओवादी केन्द्र पनि उम्मेद्वार सिफरिसको तयारीमा छ ।
