अर्घाखाँची । आगामी मंसिर ४ को निर्वाचनका लागि मनोनयन दर्ताको समय नजिकिदै गर्दा अर्घाखाँचीमा नेकपा एमालेले आफ्ना उम्मेदवार सार्वजनिक गरिसकेको छ । तर, गठबन्धन तथा नेपाली कांग्रेस भने अझै अलमलमा छ ।
आसन्न प्रतिनिधिसभा र प्रदेशसभा निर्वाचनको उम्मेदवार मनोनयनको अघिल्लो दिन शनिबारसम्म पनि यहाँका मानिसले गठबन्धनका उम्मेदवार को हुन् भनेर चिन्न पाएका छैनन् । केन्द्रदेखि जिल्ला तहका नेताहरु आन्तरिक जोडघटाउमै व्यस्त छन् ।
एक संघ र २ प्रदेश निर्वाचन क्षेत्र रहेको यहाँ गठबन्धनका तर्फबाट प्रतिनिधिसभामा नेपाली कांग्रेसले उम्मेद्वारी दिनेछ भने प्रदेशसभा ‘क’ मा नेकपा माओवादी केन्द्र तथा प्रदेशसभा ‘ख’ मा नेपाली कांग्रेसले उम्मेद्वारी दिने सहमती भएको छ। तर पात्र काे हाे भन्ने अझै टुंगाे छैन ।
नेकपा एमालेले प्रतिनिधिसभाका लागि पार्टिका कन्द्रीय सचिव टोपबहादुर रायमाझिलाई उम्मेद्वार घोषणा गरीसकेको छ भने १ प्रदेश (क) मा चेतनारायण आचार्य, र (ख) मा रामजी प्रसाद घिमिरेलाई उम्मेदवारका रुपमा सार्वजनिक गरेको छ । एमालेले संघ र प्रदेशमा अघिल्ला अनुहार नै उम्मेदवार बनाएको हो ।
गठबन्धनले भने आफना उम्मेदवार अहिलेसम्म सार्वजनिक गरिसकेको छैन ।
