अर्घाखाँची । बीपि स्मृति दिवसको अवसरमा देश भर विभिन्न कार्यक्रम गरि मनाइएको छ ।
महामानव बीपि कोइरालाको ४१ औं स्मृति दिवसको अवसरमा अर्घाखाँचीको पाणिनि बहुमुखी क्याम्पस परिसरमा वृक्षरोपण गरिएको छ । सनिवार नेपाली कांग्रेस जिल्ला कार्यसमिति अर्घाखाँचीको आयोजनामा क्याम्पस परिसरमा विभिन्न फलफुल तथा रुखका बिरुवा रोपिएको हो ।
वृक्षारोपण कार्यक्रममा बोल्ने बक्ताहरुले बीपि कोइरालाको योगदानको चर्चा गरेका थिए । स्व. कोइरालाको मेलमिलापको निति अहिलेको अवस्थामा झनै सान्दिर्भिक रहेको भन्दै बीपि बिचारधारा अनुसरण गर्नुपर्नेमा जोड दिएका थिए ।
कांग्रेस अर्घाखाँचीले सम्पुर्ण स्थानिय तहमा वृक्षारोपण गरेर बीपि स्मृती दिवस मनाउदै छ ।
