काठमाण्डाै । फिफा महिला विश्व कप फुटबल २०२३ मा ब्राजिलले पानामालाई फराकिलाे अन्तरले हराएकाे छ ।
आज साेमवार अस्ट्रेलियाकाे हिन्डमार्श स्टेडियममा भएकाे खेलमा ब्राजिलले पनामालाई ४–० गाेलले हरायाे । ब्राजिलका लागि एरी बाेर्ज्सले ह्याट्रिक गरिन् । उनले खेलकाे १९, ३९ र ७० औँ मिनेटमा गाेल गरिन् । यस्तै बेट्रिज जनेराटाेले खेलकाे ४८ औँ मिनेटमा गाेल गरिन् । याे जितसँगै समूह ‘एफ’ मा रहेकाे ब्राजिलले ३ अङ्क जाेडेकाे छ ।
यस्तै आजै अस्ट्रेलियाकाे मेलबर्न स्टेडियममा भएकाे खेलमा जर्मनीले माेरक्काेलाई ६–० गाेलले हरायाे । यस्तै न्युजिल्यान्डकाे इडेन पार्कमा भएकाे खेलमा इटलीले अर्जेन्टिनालाई १–० गाेलले हरायाे ।
आउँदो अगस्ट २० तारिखसम्म हुने विश्वकपमा ३२ टोलीको सहभागिता रहेको छ । सहभागी टोलीलाई ८ समूहमा विभाजन गरिएको छ । हरेक समूहका शीर्ष दुई टोली प्रि–क्वाटरफाइनलमा पुग्नेछन् । फाइनल खेल सिड्नीमा रहेको स्टेडियम अस्ट्रेलियामा हुनेछ ।
