प्रकाश चुदाली, अर्घाखाँची । देशैभर फूल खेतिप्रतिको आकर्षण बढ्दो छ । पछिल्लो समय देशका बिभिन्न स्थानमा फूलखेती गरीएको छ । देश फूलमा आत्मनिर्भर भैसकेको छ । अर्घाखाँचीमा डोलेश्वर बहूद्देश्यीय सहकारी संस्था लिमिलेडले पनि व्यावसायिक रुपमा फूल खेति गरेको छ ।
सहकारीले जिल्लाको सन्धिखर्क नगरपालिका –०२ भलाएडाडामा करिब १६ रोपनि जमिन भाँडामा लिएर तिहारलाई लक्षित गरी सयपत्री फूलखेती गरेको सहकारीका शाखा प्रबन्धक दिपक के सि ले जानकारी दिए ।
बगैचामा फूल फूलहरु फूलेर अहिले ढकमक्क भई सकेका छन् । उत्पादित फुल जिल्ला मै खपत हुनेमा प्रबन्धक केसि विश्वस्त छन् । साथै सहकारीले सोही स्थानमा कागति खेतीसमेत गरेको छ । उक्त बगैचामा २ जनाले रोजगारी समेत प्राप्त गरेका छन् ।
पछिल्लो समय देशका विभिन्न जिल्लामा व्यावसायिक फूल खेती भइरहेको छ । जसबाट किसानले राम्रो आम्दानी समेत लिन थालेका छन् ।
