अर्घाखाँची । अर्घाखाँची जिल्लाको पाणिनी गाउँपालिकाको दुर्गाफाटमा खुल्ला भजन प्रतियोगिता हुने भएको छ ।
लायन्स क्लब पाणिनी अर्घाखाँचीको आयोजनामा फागुन १४ गते हुने भजन प्रतियोगितामा प्रथम हुनेले ३३ हजार ३३३, , द्धितिय हुनेले २२ हजार २२२, तृतिय हुनेले ११ हजार १११ र सान्त्वनाले ५ हजार ५५५ नगद र प्रमाणपत्र प्रदान गरिने लायन्स क्लब पाणिनीका अध्यक्ष अर्जुन पोख्रेलले जानकारी दिए ।
महाशिवरात्रीको दिन दुर्वावेश्वर गुफाको प्रचारप्रसार सहित धार्मिक क्षेत्रको गरिमा बढाउँनका लागी भजन प्रतियोगिता राखिएको आयोजकले जनाएको छ । पाणिनी गाउँपालिका धार्मिक पर्यटकिय क्षेत्रका रुपमा सम्भावना बोकेको गाउँपालिका हो ।
