अर्घाखाँची । प्रतिनिधि सभा उपसभामुख पुष्पा भुसालले खेल र खेलकुद बिकासका लागि आवश्यक सहयोग गर्ने बताएकी छन् ।
आइतबार राष्ट्रिय खेलकुद प्रतियोगिताका लागि छनौट प्रतियोगितामा सहभागी अर्घाखाँचीका खेलाडिहरुलाइ हौसला दिन टुडिखेलमा उपस्थित भएकी भुसालले यस्तो बताएकी हुन् ।
उनले राष्ट्रिय खेलकुद प्रतियोगितामा सहभागी हुने खेलाडिले अर्घाखाँचीको मान राख्नु पर्ने भन्दै कुनै पछुतो नरहेने गरि खेल्न अनुरोध समेत गरिन् । भुसालले भनिन् ” खेल आफ्नो कला कौशल देखाउने माध्यम हो, आफुलाइ पुर्ण रुपमा समर्पित गरेर खेल्नुहोस् ताकि पछि मैले यस्तो खेलेको भए हुन्थ्यो नि भन्ने पछुतो नहोस् ।”
साथै उपसभामुख भुसालले खेलको दौरान आवश्यक पर्ने जुनसुकै सहयोगको लागि आफू तयार रहेको भन्दै आवश्यक परे आफुलाइ भन्ने समेत अनुरोध गरेकी छन् । उनले अर्घाखाँचीमा खेल मैदान, खेलकुदका सामग्री, प्रशिक्षक लगायतको समस्या छ त्यसलाइ समाधान गर्न सरकारबाट हुनसक्ने सहयोग गर्ने प्रतिबद्धता समेत ब्यक्त गरिकी छन् ।
