अर्घाखाँची । नेकपा एमाले अर्घाखाँचीले प्रतिनिधिसभा सदस्य उम्मेदवारका लागि अर्घाखाँचीबाट पार्टीका केन्द्रीय सचिव एवं पूर्व उपप्रधानमन्त्री टोपबहादुर रायमाझीकाे नाम एकल सिफारिस गरेको छ ।
सोमबार बसेको जिल्ला कमिटीको बैठकले सचिव रायमाझीको एकल नाम सिफारिस गरेको हो । प्रतिनिधिसभा सदस्यका लागि अर्घाखाँचीमा एउटा मात्र निर्वाचन क्षेत्र छ ।
एमाले अर्घाखाँचीले प्रदेश र प्रतिनिधिसभा सदस्य उम्मेदवारको नाम सर्वसम्मत रूपमा टुंगो लगाएको हाे । प्रदेश सभा ‘क’ मा पार्टीका केन्द्रीय सदस्य तथा लुम्बिनि प्रदेशसभा सदस्य चेतनारायण आचार्य र प्रदेश सभा ‘ख’ मा पार्टीका लुम्बिनि प्रदेश कमिटी सचिवालय सदस्य तथा लुम्बिनि प्रदेशसभा सदस्य रामजी प्रसाद घिमिरेलाई पार्टीले सर्बसम्मत रुपमा सिफारिस गरेको छ ।
