अर्घाखाँची । बृहत समाज संगठनद्वारा अति बिपन्न बिद्यार्थीलाई शैक्षिक सामाग्री वितरण गरिएको छ ।
सोमबार पाणिनी गाउपालिकाका २ बिधालयमा पुगि शैक्षिक सामाग्री बितरण गरिएको हो । पाणिनी गाउँपालिका ५ मैदानको कृष्ण माध्यमिक बिधालय र धातिवङ्गको धातिवाङ्ग माध्यमिक बिधालयमा शैक्षिक सामाग्री वितरण भएको हो ।
कार्यक्रममा संगठनका अध्यक्ष छविलाल कोइराला, संस्थापक संयोजक कमल भट्टराई र संस्थाका संस्थापक सचिव बिनोद पौडेल साथै बिधालयका प्राध्यापक, शिक्षक शिक्षिका लगायत विद्यार्थीको उपस्थितिमा बिपन्न र अभिभावक बिहिन विद्यार्थीलाई सहयोग कार्यक्रम गरिएको हो ।
विद्यार्थीहरुको अवस्था बारे गहिरो अध्यन गर्दै गरिब विद्यार्थीका लागि निशुल्क रूपमा शिक्षा प्रदान गर्नु पर्नेमा जोड दिदै संगठनले आगामी दिनहरुमा यस्तै किसिमका कार्यक्रमबाट विद्यार्थीको मनोभावनाको कदर गर्दै शिक्षामा सुधार ल्याउन हरेक पल हरेक समय संस्था मैदानमै रहने प्रतिबद्धता समेत व्यक्त गरेको छ ।
