अर्घाखाँची । अर्घाखाँचीमा ८१ जना उम्मेद्वारले स्थानीय तहको निर्वाचन २०७९ मा गरेको खर्चको बिवरण निर्वाचन आयोगलाई बुझाएका छैनन् ।
स्थानीय तहको निर्वाचन २०७९ मा उम्मेद्वार बनेर गरेको खर्चको बिवरण सम्बन्धीत उम्मेद्वारले ३० दिन भित्र खर्च बिवरण निर्वाचन आयोगलाई बुझाई सक्नु पर्छ तर अर्घाखाँचीमा भने ८१ जना उम्मेद्वारहरुले खर्च बिवरण पेश गरेका छैनन् ।
निर्वाचन आयोगले पुनः सूचना प्रकाशन गरेर खर्च बिवरण बुझाउन ताकेता गरेको छ । यस अघि पनि आयोगले खर्च बिवरण पेश गर्न अनुरोध गरेको थियो । स्थानीय तहमा उम्मेद्वार बनेर निर्वाचित भए वा नभए पनि खर्चको बिवरण पेश गर्नु पर्ने हुन्छ ।
आयोगले २३ गते एक सूचना जारी गर्दै ७ दिन भित्र स्पष्टिकरण सहित खर्च बिवरण बुझाउन निर्देशन दिएको छ । ६ वटा स्थानीय तहहरु रहेको अर्घाखाँचीमा छत्रदेव गाउँपालिकाका १२ जना, पाणिनी गाँउपालिकामा १२ जना, भुमिकास्थान नगरपालिकाका १६ जना, मालारानी गाउँपालिकाकम ६ जना, सन्धिखर्क नगरपालिकाका १६ जना र सितगंगा नगरपालिकाका १९ जना गरी ८१ जना उम्मेद्वारहरुले खर्च बिवरण बुझाउन बाँकी छ ।
