अर्घाखाँची । अर्घाखाँचीमाएक जना कैदी–बन्दीकाे कैद कट्टा भएकाे छ ।
संविधान दिवस अवसरमा राष्ट्रपति विद्यादेवी भण्डारीले जिल्ला कारागार अर्घाखाँचीमा कैद भुक्तान गरीरहेका एक जनाकाे कैद कट्टा गरेकी हुन् । कैद कट्टा हुनेमा ४० बर्षिय टुक बहादुर दर्जी रहेकाे जिल्ला प्रशाशन कार्यालय अर्घाखाँचीका सहायक प्रमुख जिल्ला अधिकारी नुमलाल पन्थिले जानकारी दिए ।
दिर्जी कर्तव्य ज्यान मुद्दामा कैद भुक्तान गरीरहेका थिए । उनलाइ १५ बर्षकाे कैद सजाय भएमा उनले ४२ प्रतिशत कैद भुक्तान गरी कैद कट्टा भएकाे जिल्ला कारागार अर्घाखाँचीले जनाएकाे छ ।
संविधानको धारा २७६ को फौजदारी कसुर ऐन, २०७४ तथा फौजदारी कसुर नियमावली, २०७६ मा मन्त्रिपरिषद्को सिफारिसमा राष्ट्रपतिले कैदी–बन्दीको कैद मिनाहा गर्न सक्ने व्यवस्था छ । यही व्यवस्थाअनुसार राष्ट्रपति भण्डारीले विगत वर्षहरूमा जस्तै देशका विभिन्न कारागारमा रहेका ६८१ को कैद कट्टा गरेकी हुन् ।
