अर्घाखाँची । पाणिनी गाउँपालिकाको वडा नं. ५ मैदानमा बोल्दै प्रतिनिधि सभासदस्य पदका उम्मेदवार पुष्पा भुसालले मैदान दुग्ध बिकासको सम्भावना बोकेको स्थान भएकोले यस्को लागि प्रसस्त लगानी आवश्यक पर्ने बताइन ।
भुसालले मैदान कृषि तथा दुग्ध क्षेत्रमा ठूलो सम्भावना बोकेको बताउदै आफुले लगानी भित्राउने बताएकि हुन् । उनले ५० हजार युवालाइ स्वदेश फर्काउछु भनेर मात्र नहुने भन्दै संभावना अनुसारको लगानी गरि रोजगारीको सिर्जना गर्नु पर्ने आवश्यकता रहेको बताइन् ।
यस्तै भुसालले सालझण्डी ढोरपाटन सडक रेखांकन स्व. कासिनाथ गौतमले गरेको भन्ने सत्यता बाहिर आएपछी भ्रम फैलाउने तत्व अत्तालिएको समेत बताइन् ।
