बुटवल । लुम्बिनी प्रदेशको नेकपा एमाले संसदीय दलको नेतामा लिला गिरी र उपनेतामा चेतनारायण आचार्य सर्वसम्मत चयन भएका छन् ।
प्रदेश सभा परिसरमा बसेको महासचिव शंकर पोखरेल, लुम्बिनी प्रदेश इन्चार्ज छविलाल बिश्वकर्मा, संघिय सांसद बासुदेव घिमिरे सहित बसेको बैठकले गिरीलाई संसदीय दलको नेता र आचार्यलाई उपनेता बनाउने निर्णय गरेको हो ।
गिरी र आचार्य यसअघि शंकर पोखरेल मुख्यमन्त्री हुँदा मन्त्री समेत भएका थिए । गीरी रुपन्देही २ को १ बाट निर्वाचित भएका हुन् भने पार्टी केन्द्रीय कमिटी सदस्य तथा अर्घाखाँची जिल्ला सह–इन्चार्ज रहेका आचार्य अर्घाखाँची प्रदेश १ बाट निर्वाचीत भएका हुन् ।
एमाले लुम्बिनी प्रदेश सरकारको नेतृत्व गर्ने अवसर पाए लिला गिरी मुख्यमन्त्री बन्नेछन् ।
