बुटवल । कसौधन समाज रुपन्देही अन्तर्गत कसौधन युवा समितिले बृहत रक्तदान गरेको छ । कार्यक्रम मा ४६ जना पुरुष र ५ जना महिलाहरुले गरेर कुल ५१ जनाले रक्तदान गरेका थिए ।
संस्थाका अध्यक्ष अनिश कसौधनका अनुसार विभिन्न व्याक्तिहरुको सक्रीय सहभागीता रहेको थियो । कसौधन सेवा समिति का संस्थापक अध्यक्ष र समाजसेवी जवाहरलाल कसौधन, कसौधन महिला समितिकी अध्यक्ष निशा कसौधन, कसौधन सेवा समितिका उपाध्यक्ष सन्दीप कसौधन, कसौधन युवा समितिका संस्थापक अध्यक्ष धर्मेन्द्र कसौधनले रक्तदानको विषयमा आ आफ्नो भनाई राखेका थिए ।
अमन कसौधनका अनुसार कसौधन समाजले पछिला दिनहरूमा पनि धेरै पटक रक्तदान कार्यक्रम र अरू समाज सेवी कार्यक्रम हरु गर्दै आएको छ । ब्लड बैंक बनाउनमा पनि कसौधन समाजका अग्रज स्व. काशी प्रसाद कसौधन ज्यूको ठूलो योगदान रहेको र प्रथम रक्तदाता मा कसौधन समाजका अग्रजको योगदान रहेको संयोजक अमन कासौधनले जानकारी दिए ।
