पाल्पा । पाल्पामा बसको ठक्करबाट तानसेन नगरपालिका वडा नं. १२ की ७७ वर्षीया पुतली विश्वकर्माको मृत्यु भएको छ । गुल्मीबाट बिहीबार बुटवल जाँदै गरेको लु १ ख ८३६१ नम्बरको बसले ठक्कर दिँदा उनको मृत्यु भएको हो ।
बसको ठक्करले सख्त घाइते भएकी विकलाई उपचारका लागि लुम्बिनी मेडिकल कलेजमा लगिएको र उपचारको क्रममा उनको मृत्यु भएको प्रहरीले जनाएको छ ।
सोही बसबाट झरेर घरतर्फ जाने क्रममा उनलाई बसले ठक्कर दिएको हो । चालक र सवारीलाई नियन्त्रणमा लिइएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले बताए । तानसेन-रिडी सडक बन्द भएकाले लुहुङ हुँदै गुल्मी जाने सवारी साधन सञ्चालनमा छन् ।
