प्रलाद तिमल्सिना,
बारा । बारा सिम्रौनगढमा मोटरसाइकल एकआपसमा ठोक्कींदा एक जनाको मृत्यु भएको छ भने २ जना घाइते भएका छन् ।
सिम्रौनगढ ५ कोल्डस्टोर टोल स्थितमा तेलकुवा सिम्रौनगढ नहर सडक खण्डमा टेटाबाट सिम्रौनगढ बजार तर्फ आउँदै गरेको ना १ प ६८८८ नं. को मोटरसाइकल र बिपरित दिशाबाट जाँदै गरेको ना १८ प ५१४१ न. को मोटरसाइकल एक आपसमा ठोक्कीएर दुर्घटना भएको हो ।
दुर्घटनामा परी ना १ प ६८८८ न. को मोटरसाइकल चालक सिम्रौनगढ नगरपालिका वडा न. १० टेटा बस्ने अन्दाजी ६५ वर्षीय महाबिर साह कानुको मृत्यु भएको हो । विहिबार राती ८ बजे भएको दुर्घटनाका गम्भीर घाइते उनको अस्पतालमा उपचारको क्रममा मृत्यु भएको जिल्ला प्रहरी कार्यालय बाराले जनाएको छ ।
सोही मोटरसाइकलमा पछाडी सवार मृतकको नातिनी १३ वार्षीया प्रिंयाशु कुमारी साहको खुट्टा र ढाडमा चोट लागे छ भने ना १८ प ५१४१ नं.को मोटरसाइकल चालक सिम्रौनगढ वडा न.४ गंगानगर बस्ने गोपी प्रसाद यादवको छोरा १८ वर्षका बाल्मिकी यादवको हात खुट्टामा चोट लागे्को मध्यम अवस्थामा प्रहरीको निगरानीमा उपचार भैरहेको प्रहरीले जनाएसको छ ।
मृतक कानुको शव पोष्ट मार्टमका लागि कलैया अस्पतालमा राखिएको जिल्ला प्रहरी कार्यालय बाराका प्रवक्ता प्रहरी नायब उपरीक्षक राजेश थापाले जानकारी दिए ।
