बैतडीकाे पुर्चौडीमा पहिरो : आमा छोराको मृत्यु

बैतडी । बैतडीकाे पुर्चौडी नगरपालिका-२ को भैरुमा पहिराेमा परि आमा छाेराकाे ज्यान गएकाे छ ।

गएराति घरमाथिबाट खसेको पहिरोले पुरिँदा अन्दाजी २५ वर्षीया अञ्जु जागरी र उहाँका पाँच वर्षीय छोरा रिजन जागरीकाे ज्यान गएको हो ।

पहिराेमा पुरिएर अञ्जुका श्रीमान् गोब्बर जागरी घाइते हुनुभएकाे इलाका प्रहरी कार्यालय पाटनका प्रमुख, प्रहरी निरीक्षक कमलप्रसाद चौधरीले जानकारी दिए ।

स्थानीय र प्रहरीको सहयोगमा गोब्बरकाे उद्धार गरिएको र उनकाे उपचार भइरहेकाे चाैधरीले बताए ।