दाङ । चेम्बर अफ कमर्स दाङले घोराहीले घोराही उपमहानगरपालिका मा लुम्बिनी प्रदेशस्तरीय दाङ एक्सपो – २०८० आउँदो माघ १२ गतेदेखि २६ गतेसम्म गर्ने भएको छ ।
चेम्बरले शुक्रबार घोराहीमा पत्रकार सम्मेलनको आयोजना गरी यस माघ २५ गते देखि गर्ने भनिएको भएतापनि निर्धारित समय विविध कारणले सार्नुपरेको जानकारी दिएको छ । चेम्बरका अध्यक्ष विकास अग्रवालले पहिलेको मिति भन्दा १३ दिन अगाडि नै एक्सपो लगाउन लागिएको र यसका लागि तयारी व्यापक बनाइएको बताए ।
चेम्बरका निवर्तमान अध्यक्ष बलदेव योगीले रातदिन नभनेर एक्सपोलाई सफल बनाउन चेम्बर लाग्ने र सबैले साथ सहयोग गर्नेमा आफूहरू विश्वस्त गरेको बताए । पत्रकार सम्मेलनमा स्थानीय उत्पादनदेखि कृषिजन्य सामग्रीहरूको स्टल पनि रहने जानकारी गराइएको थियो ।
सो अवसरमा एक्सपोमा स्थानीय कलाकारदेखि केन्द्रका कलाकारहरूको पहिलो चरणको नाम पनि सार्वजनिक गरिएको थियो ।
