रुपन्देही । बुटवलमा यही साउन १९ र २० गते धर्म, ज्योतिष एवं वास्तु सम्मेलन हुने भएको छ ।
आयोजक संस्था विश्व ज्योतिष महासंघ लुम्बिनी प्रदेश कमिटीले पत्रकार सम्मेलनको आयोजना गरी सम्मेलनको तयारी पूरा भएको बताएको छ ।
बुटवलको सिद्धार्थ कटेजमा हुने सम्मेलनमा प्रा. डा. देवमणि भट्टराई आशौच परिचय र निर्णयहरु विषयमा कार्यपत्र प्रस्तुत गर्नेछन् ।त्यस्तै,
उपप्रध्यापक लक्ष्मीप्रसाद बरालले ज्योतिष शास्त्रमा वैदेशिक यात्रा सम्बन्धी कार्यपत्र प्रस्तुत गर्ने महासंघ लुम्बिनी प्रदेशका अध्यक्ष जनार्दन न्यौपानेले बताए । यसैगरी प्रशिक्षण वास्तु र जीवन प्रशिक्षणबारे डा( माधवमंगल जोशाीले कार्यपत्र प्रस्तुत गर्ने उनले बताए ।
करिब ४ सयभन्दा बढी ज्योतिषहरुको सहभागिता रहने सम्मेलनले बुटवल घोषणापत्र जारी गर्नेछ । सम्मेलनमा स्वामी लोकानन्द जी महाराज, डा. माधवमंगल जोशी, नेपाल पंञ्चाक निर्णायक समितिका अध्यक्ष प्रा. श्रीकृष्ण अधिकारी, संस्कृत केन्द्रीय विभागका प्रा. डा. नारायण गौतम आउने कार्यक्रम छ ।
प्रतिव्यक्ति १ हजार ५ सय प्रवेश शुल्क तोकिएको सम्मेलन विश्व ज्योतिष महासंघ लुम्बिनी प्रदेश कमिटीको पहिलो कार्यक्रम हो । यसैगरी कार्यक्रममा बाबा योगीराजले योग र आयुर्वेद, योगी सोमराजले गाई र संस्कारका बारेमा कार्यपत्र प्रस्तुत गर्नेछन् ।
