अर्घाखाँची । एवाईसी अन्तरपालिका स्तरिय रनिङ शिल्ड भलिबल प्रतियोगिता २०८० को उपाधि शितगंगा नगरपालिकाले जितेको छ ।
अर्घाखाँची युवा परिषदद्वारा आयोजित अन्तरपालिका स्तरिय रनिङ शिल्ड भलिबल प्रतियोगिताको चौंथो संस्करणको उपाधी शितगंगा नगरपालिकाले प्राप्त गरेको हो । प्रतियोगिताको फाईनल खेलमा पाणिनी गाउँपालिकालाई ३/० को सोझो सेटमा हराउदै उपाधि चुम्न सफल भएको हो ।
२०८० को उपाधि बिजेता शितगंगा नगरपालिका यस अघिका लगातार दोस्रो र तेस्रो संस्करणको पनि बिजेता हो । यो संगै एवाईसी अन्तरपालिका स्तरिय रनिङ शिल्ड भलिबल प्रतियोगितामा सितगंगाले ह्याट्रिक गरेको छ ।
प्रतियोगितामा ६ वटा पालिकाको सहभागिता रहेको थियो । जसमा भुमिकास्थान नगरपालिका र छत्रदेव गाउँपालिका जित विहिन रहदै प्रतियोगिताको क्वाटर फाइनल चरणबाट बाहिरिएका थिए ।
