पहाडी भूभागमा आज सामान्य वर्षा

काठमाडौं । देशका पहाडी भूभागका एक दुई स्थानमा आइतबार हल्का वर्षाको सम्भावना छ भने अन्य भूभागमा मौसम सामान्यतया सफा नै रहने मौसम पूर्वानुमान महाशाखाले जनाएको छ।

भूकम्प प्रभावित क्षेत्र जाजरकोट र रुकुम पश्चिममा हल्का बदली भए पनि वर्षाकोे सम्भवना नरहेको मौसमविद् गोविन्द झाले जानकारी दिए। उनका अनुसार केही दिन उक्त स्थानमा मौसम सामान्यतया सफा नै रहनेछ।

यता उच्च पहाडी तथा हिमाली भू–भागका एक–दुई स्थानमा भने हल्का हिमपातको सम्भावना रहेको महाशाखाले जनाएको छ।