बोटलर्स नेपाल (तराई)ले प्रतिकित्ता ६० रुपैयाँ लाभांश दिने

काठमाडौं । कोकाकोला उत्पादक कम्पनी बोटलर्स नेपालले सेयरधनीलाई प्रतिकित्ता ६० रुपैयाँका दरले नगद लाभांश दिने भएको छ ।

कम्पनीको बुधबार साँझ बसेको सञ्चालक समितिको बैठकले प्रतिकित्ता ६० रुपैयाँ नगद लाभांश सिफारिस गरेको हो ।आगामी साधारणसभाले यो प्रस्ताव पारित गरेपछि सेयरधनीले लाभांश पाउने छन् ।

कम्पनीले गत वर्ष पनि प्रतिकित्ता ६० रुपैयाँ नगद लाभांश वितरण गरेको थियो । बुधबार सेयर बजार बन्द हुँदा कम्पनीको मूल्य प्रतिकित्ता १२ हजार ७०८ रुपैयाँ छ ।