अर्घाखाँची । पाणिनी गाउँपालिकाका बालबिकास शिक्षक आन्दोलनमा उत्रिएका छन् ।
पाणिनी गाउँपालिकाले दिदै आएको ७ हजार तलब कटौती गरि ५ हजार बनाएको भन्दै उनिहरु आन्दोलित बनेका हुन् ।
बालबिकास शिक्षकले गत आर्थिक बर्षमा केन्द्र सरकारको ८ हजार र पाणिनी गाउपालिकाको ७ हजार गरि १५ हजार तलब खादै आएका थिए । आर्थिक बर्ष ०७९/०८० मा केन्द्र सरकारले २ हजार तलब वृद्धि गरि १० हजार पुराए थियो । तर पाणिनी गाउपालिकाले ७ हजारबाट घटाएर ५ हजार पुराएपछी शिक्षक आन्दोलित बनेका हुन् ।
उनिहरुले पहिलो चरणको आन्दोलनको रुपमा स्थानिय सरकारको स्वामित्व अन्तर्गत गत आ. व. ०७८।०७९ देखि उपलब्ध गराई आएको मासिक ७ हजार यथावत राखी मासिक २ हजार महंगी भत्ता समेत गरी १९ हजार उपलब्ध गराउनु पर्ने सहितका माग राखी पालिकाका अध्यक्ष, उपाध्यक्ष, प्रमुख प्रशासकिय अधिकृत र सम्पुर्ण वडाअध्यक्षहरुलाइ ७ बुदे ज्ञापन पत्र बुझाएका छन् ।
पाणिनी गाउँपालिकाले शिक्षकहरुलाई गत माघदेखी ७ हजार थप सहित १५ हजार तलब उपलव्ध गराउँदै आएपनि पछि केन्द्रले २ हजार थप गरि १७ हजार पाउनु पर्नेमा स्थानिय सरकारले उपलब्ध गराउने मध्ये २ हजार कटौती गरी १५ हजार नै तलब दिने निर्णय गरेसँगै आन्दोलित भएको बालविकास शिक्षक समितीका अध्यक्ष सावित्री अर्यालले बताईन ।
गाउँपालिकाभित्र रहेका ५८ बालशिक्षीकाहरुले आन्दोलन गरेपछि बालशिक्षाका बालबालिकाहरुको सिकाई पनि प्रभावीत भएको छ । गाउँपालिकाले पुसमा हुने हिउँदे अधिवेशनबाट माग सम्बोधन गर्ने गाउँपालिका अध्यक्ष न्यौपानेले बताए ।
जिल्लाका ६ वटै स्थानिय सरकारले यथावत तलब नदिदाँ समस्या आएको हो । स्थानिय सरकारले १५ हजार देखी बढीमा १७ हजारसम्म तलब बालशिक्षीकालाई दिएका छन् । काम गरेको समयअनुसारको तलब नदिएको भन्दै श्रमशोषण गरेको आरोप बालशिक्षीकाको छ ।
