टोपराम केसी,
गुल्मी। ले हिन्दु नारीहरुको महान पर्व हरितालिका तिज पर्वलाई मध्यनजर गरि शनिवारका दिन खुला तिज गित प्रतियोगिताको आयोजना गरेको छ।
छत्रकोट गाउँपालिका वडा नं. ४ स्थित श्रृङ्गा जनता माध्यमिक विद्यालयको प्राङ्गणमा आयोजित प्रतियोगिता विहान ११ वजे देखि सुरु हुनेछ। प्रतियोगितामा छत्रकोट गाउँपालिका भित्रका वडाहरुबाट २÷३ समुहले सभागिता जनाउन पाउनेछन् ।
यस्तै छत्रकोट गाउँपालिका वाहिरवाट भने १समुकोको सहभागिता रहने आयोजकले वताएको छ । यस्तै महिला विकास शाखा छत्रकोट गाउँपालिकाकी शाखा प्रमुख सीता थापा वुढाथोकीका अनुसार प्रतियोगिता मार्फत प्रथम स्थान हाँसिल गर्ने समुहका लागि नगद रु १० हजार र प्रमाणपत्र को व्यवस्था गरिएको छ। यस्तै द्वितीय तृतीय र सान्त्वना स्थान प्राप्त समुहहरका लागि क्रमश नगद ८ हजार, ६ हजार । ३ हजार सहित प्रमाणपत्रको व्यवस्था गरिएको पनि उनले बताए ।
विशेष गरि तिज गित महिला हकअधिकार ,राष्ट्रिय तथा स्थानीय संस्कृतिको सम्वर्द्धन र गाउँपालिकाको विकाससँग सम्वन्धित हुनु पर्ने गाउँपालिका द्वारा प्रकाशित सुचनामा उल्लेख गरिएको छ। सहभागी समुहले १ घण्टा भित्रमा सामुहिक प्रस्तुत गरिसक्नु पर्ने पनि सुचनामा उल्लेख गरिएको छ। गाउँपालिकाले ईच्छुक सहभागि समुहलाई समूह दर्ताका लागि आज सम्मको समय दिएको छ।
